Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

1,8 millones d'euros pal PIL nel segundu semestre de 2007

Votos

(Total de votos recibidos 247)

(Puntuación 3,01)

1,8 millones d'euros pal PIL nel segundu semestre de 2007
El Plan d'Inxertamientu Llaboral (PIL) ye unu de los planes d'emplegu municipales del Pautu Xixón Entama (2003-2007)
El plan d'emplegu municipal tien nel segundu semestre de 2007 un presupuestu de 1,8 millones d'euros pa executar un total de 36 obres estremaes, qu'una vegada finaes y daes, inxertaránse nel Patrimoniu Municipal. Esti presupuestu axústase a los datos que vienen darréu: 992.000 € a costes de personal y 798.000 € a gastos de suministros y servicios. De toles obres, fadránse 17 nel trazáu urbanu y 19 nel entornu rural. Ente toles obres, 8 d'elles sedrán de mou específicu intervenciones mediuambientales. Arriendes d'ello, empobínase una partida específica pa facer obres de supresión de barreres urbanístiques y arqueteutóniques na zona urbana, con un presupuestu de 208.000 euros. Les obres de mayor llargor nel tiempu y complexidá téunica, que s'aprueben pa la so execución nesti primer semestre del 2007, son les que siguen darréu: # Supresión de barreres urbanístiques y arquiteutóniques na zona urbana # Renovación y reforma de la Plaza de Los Fresnos. Estaya 3 # Continuación de les actuaciones de renovación y reforma na Plaza de Los Fresnos. Estaya 2 # Continuación d'obres d'acondicionamientu y meyora nel llocal social del Llar del Pensionista. Nel barriu de Portuarios # Drenaxe y muru de contención nel campu de fútbol de La Llosa de Montevil # Continuación de la obra d'embaldosiáu y ordenación de viales nes Mil Quinientes (Pumarín) # Renovación de pavimentos d'acera n'Avenida de Portugal (cachos del Polígonu de Pumarín) # Facer una sienda peatonal dende la rotonda del xardín Botánicu hasta'l Llagar de Cabueñes # Ampliación y reforma del edificiu de l'Asociación de Vecinos de Montevilla (Cabueñes) # Creación de zona d'exercicios pa mayores nel parque de Los Pericones (Ciares) N'actualidá, nel Plan d'Inxertamientu Llaboral trabayen un total de 194 persones, d'ellos al rodio d'un 45% son muyeres. Dende l'entamu del Pautu Xixón Entama nel añu 2004, contratáronse yá a 630 trabayadores en Planes d'Inxertamientu; d'ellos 281 foron muyeres (esto ye, un 45 % del total de contrataciones).