Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón participa nel proyeutu MELVA

Votos

(Total de votos recibidos 200)

(Puntuación 3,03)

Xixón participa nel proyeutu MELVA
L'Ayuntamientu de Xixón xúnese al proyeutu européu MELVA (Movilidá Llaboral y Aiciones de Voluntariáu de Persones Mayores de 50 años)
El plan lidéralu la organización alemana ReFIT e.V. dientro'l Progrma nomáu "Aiciones Preparatories del Aveyecimientu Activu y Movilidá de Persones d'Edá Avanzada". Se tenta de facer favoratible la movilidá llaboral y xeográfica, meyorando d'esti mou les oportunidaes d'emplegu de les persones mayores de 50 años. Esti proyeutu, que dura añu y mediu, ta sofitáu pola Unión Europea y tien una rede internacional de socios: ReFIT e.V (Asociación pal espardimientu de la investigación, innovación y teunoloxía nel desarrollu rexonal de Xena, Alemaña), SWR (Axencia de Cooperación de Zabrze, Polonia), la Universidá de Lessing (en Merán, Italia) y l'Axencia Llocal de Promoción y Emplegu del Ayuntamientu de Xixón. Como árees temátiques, el proyeutu centraráse en temes rellacionaos cola economía social (cooperatives, sociedaes llaborales) y con aiciones de voluntariáu (asociaciones, fundaciones), poro, los socios participantes entamarán delles investigaciones tresnacionales pa descubrir nueves posibilidaes d'emplegu nestos campos. El proyeutu ta empobináu a persones desemplegaes o en riesgu de desemplegu y con más de 50 años, o bien persones xubilaes pero con inquietú nos campos nomaos. Estes persones participarán en dellos intercambios ente los países socios (Alemaña, Italia y Polonia), col envís de poder conocer otres realidaes y esperiencies con ésitu en materia d'economía social y voluntariáu, col oxetivu final de poder repetir eses esperiencies nos sos territorios d'orixe. Al empar, informaráse-yos de les popsibilidaes de vivir y trabayar n'otros países miembros de la Unión Europea. El primer grupu d'intercambios sedrá ente los meses d'abril y xunetu.