Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Carreres con bon final

Votos

(Total de votos recibidos 178)

(Puntuación 2,99)

Carreres con bon final
27 proyeutos optaron a los X Premios Fin de Carrera del Campus de Xixón
Un total de 27 proyeutos optaron a los X Premios a Proyeutos Fin de Carrera del Campus de Xixón, concedíos nel parque Teunolóxicu de Xixón tres la reunión de los xuraos encargaos de valorar los trabayos universitarios, baxo la presidencia del conceyal d´Espardimientu Económicu, D. Xosé Mª Pérez. Nel área de "Innovación y Diseñu Industrial", el ganador foi´l proyeutu tituláu «Regulador conmutáu d´un motor de corriente continua controláu remotamente con un sistema de monitorización de variables vía radio», de D. Miguel Rodríguez González. El xuráu valoró´l calter innovador d´un trabayu personal intensu y perdetalláu qu´aplica téuniques de diseñu industrial a elementos d´ameyoramientu pa garantizar la competitividá del proyeutu. El segundu premiu d´esta estaya correspondió-y a D. Iván Ruiz Patallo, con «Diseñu d´un sistema de monitorización na rede del estáu de ferramientes de corte pa la so integración nun equipu de cepilláu parcial en llínea de bloques d´aceru a temperatura elevada». El tercer premiu foi pa D. Xosé Villanueva Castrillón, con «Diseñu d´una planta pal recicláu de monitores de tubu de rayos catódicos». Los tres son alumnos de la Escuela d´Inxenieros Industriales e Informáticos. Na fastera de "Loxística y tresporte", el ganador foi´l proyeutu tituláu «Análisis del tráficu marítimu mundial de graneles», de D. Ramón Pañeda Palacio, nel que´l xuráu valoró que fae un enfoque económicu de l´actividá del puertu de Xixón, rellacionándola cola de los terminales d´orixe y destín de los sos tráficos, amás de pola so temática, que tien una clara rellación cola ampliación portuaria y colos nuevos tráficos de El Musel