Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

EMTUSA amenorgó les pérdides y xubió en númberu de viaxeros

Votos

(Total de votos recibidos 205)

(Puntuación 2,97)

EMTUSA amenorgó les pérdides y xubió en númberu de viaxeros
El 70 por cientu de los clientes beneficiáronse de dalgún tipu de bonificación de la tarifa;en concreto, al rodio de 260.000 viaxes foron gratuitos; 300.000 pagaron sólo 0,30 euros por trayeutu; hebo 2,2 millones d'usuarios menores de 26 años y más de 7 millones con tarifa bus de 0,65 euros.
El númberu de viaxeros d'autobús aumentó l'añu pasáu en 800.000 persones, con rellación a 2005, algamando una cifra total de 18.913.573, mentanto que'l déficit de la empresa baxó un 8,7% (cantidá que pasa de los 441.000 euros). Nesti sen, el gobiernu central absorbió'l 27,5 por cientu del déficit, aportando 1,28 millones d'euros, mentanto que l'Ayuntamientu se responsabilizó del restu. L'índiz d'autofinanciación d'EMTUSA l'añu pasáu foi del 74,5 por cientu, lo que supon un 4% más qu'en 2005. Del mesmu mou, l'importe netu de la cifra de negocios creció un 4,2 por cientu'l caberu añu. Estos datos apaecen na memoria que se presentó nel que pue ser l'últimu conseyu d'alministración d'EMTUSA enantes del final de la llexislatura. Los abonos mensuales, tres el so primer añu de vixencia, foron el sistema de pagu escoyíu pal 8 por cientu de los usuarios. El Conseyu aprobó l'alxudicación de 6 nuevos autobuses articulaos de la marca Scania, por un valor de 1,77 millones d'euros más IVA, que sedrán entregaos previsiblemente no cabero d'esti añu. Tamién s'alxudicó a la empresa Payma Cotas l'asistencia téunica pal siguimientu del proyeutu y execución de les obres de les nueves instalaciones de la empresa. L'añu pasáu mercáronse 8 vehículos ecolóxicos, por importe de 1,62 millones d'euros más IVA, que s'amestarán a la flota nes selmanes venideres. Este alquisiciones amuesen l'apuesta d'EMTUSA por modernizar la flota y los servicios , al empar que por incrementar la competitividá.
Palabras clave 2010, Gijón, Servicios Sociales, Bus