Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

L'Ayuntamientu asoleya 5.000 planos de les parroquies de Fano y Valdornón

Votos

(Total de votos recibidos 224)

(Puntuación 3,07)

- Marejada1.jpeg
Estos nuevos planos recoyen yá los nuevos topónimos.
Les parroquies de Fano y Valdornón (con uve como dicta la nueva toponimia, onde paez que 'Valdornón' vien de 'valle') tienen yá'l so propiu mapa de cais, asoleyáu pol Ayuntamientu de Xixón. El conceyal de la zona rural, D. Faustino García, na presentación de la espublización apuntó que se "quier rexistrar d'un mou completu y pormenorizáu tol municipiu". El nuevu planu súmase asina a los yá esistentes d'otres ocho parroquies: Somió, Cabueñes, Deva, Xove, Castiellu de Bernueces, Santurio, Caldones y Llavandera. El mapa recoye nun únicu trabayu un planu cartográficu de la zona y testos de les costumes y llugares pintorescos de les parroquies. Foi un arduu trabayu qu'algama el so puntu cimeru cola señalización afayadiza de les dos parroquies, na que s'emplegarán 70.000 €, én pallabres del edil. Estos 5.000 planos podrán mercase na Pescadería Municipal. Al empar, l'Ayuntamientu xixonés distribuirálos ente les asociaciones de vecinos, establecimientos de correos, taxistes, ambulancies... Valdornón tien una estensión de 7,3 kilómetros cuadraos y una población de 169 persones. la parroquia ta formada polos barrios que siguen darréu: Santolaya, Quintana, Salientes, Tarna, La Mata y Riosecu. Nesta parroquia allúgase'l puntu más altu del conceyu: La Peña los Cuatro Xueces, de 662 metros y que s'alcuentra, como indica'l so nome ente cuatro conceyos asturianos: Xixón, Villaviciosa, Sariegu y Sieru. Cada añu faese un alcuentru de los alcaldes de caún de los conceyos señalaos nesti llugar. El llugar nómase asina porque abelluga una piedra dividida en cuatro partes que simbolicen caún de los cuatro conceyos. Por otru llau, la parroquia de Fano, que tien una superficie de 4,5 kilómetros cuadraos y una población de 210 habitantes , cuenta con cuatro barrios: Carceo (él más pobláu), La Cuadra, Zalce y Fano. La parroquia cuenta amás con la Iglesia de Fano, una xoya del románicu, na que los llugareños punxieron too'l so puxu pa recuperala.