Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Un grupu de voluntaries xixoneses sofitará a les muyeres víctimes de violencia

Votos

(Total de votos recibidos 143)

(Puntuación 3,00)

Esta ye una de les iniciatives enmarcaes na XII edición del programa Femenín y Plural, qu'organiza la Conceyalía de Polítiques d'Igualdá en collaboración coles federaciones d'asociaciones de vecinos de les zones urbana y rural de Xixón.
Xixón dispón yá del grupu de voluntaries "Collacies de la Casa Malva" que tien como oxetivu sofitar a les muyeres del centru integral d'Atención a Muyeres Víctimes de Violencia de Xéneru de la ciudá. La idega d'esti grupu de voluntaries xurdió en 2005, na Escuela de Branu "Rosariu Acuña", orixinada pola visita de la Conceyala de la Muyer del Ayauntamientu de Badalona Dª Paquita Toledo; ésta presentó la inicitiva "Muyeres acoyedores", per aciu de la cual les ciudadanes de la so ciudá entamaron un grupu p'ayudar a muyeres imigrantes. N'avientu d'esi mesmu añu, muyeres d'esi grupu vinieron pa Xixón a esplicar la esperiencia de so y, nesi aconceyamientu, alcordíose crear un taller de voluntariáu dientro'l programa Femenín y Plural, que se concretó nel mes de xineru pasáu y recibiól'l nome de "Collacies de la Casa Malva". El programa Femenín y Plural, qu'esti añu dispón d'un presupuestu de 81.000 euros, ñació en 1996 col envís de favorecer la participación de les muyeres en toles estayes, dando puxu a la so curiosidá pola conocencia y facilitándos-y un nuevu espaciu d'alccuentru y de convivencia. Los talleres previstos pa esti añu son "Historia de Xixón", pal que se ficieron 616 inscripciones, qu'afondará en cuatro sesiones de dos hores cauna, na evolución hestórica, urbanística y poblacional de Xixón y que contará con visites a la Campa Torres, Muséu del Ferrocarril, Centru de Cultura Antiguu Institutu y percorríu peles zones d'espardimientu de la ciudá. Tamién habrá talleres de Mediuambiente, Iniciación al Word, Cultura Xeneral (nel que s'enseña a escribir ensin faltes d'ortografía, a calcular n'euros y a lleer en voz alta ensin dificultá y cómo funciona l'Ayuntamientu); Autoestima y Teatru. Hai que recordar que la Casa Malva, centru integral d'atención a les vícitmes de violencia de xéneru, asitiáu en Montevil, sedrá inauguráu esti mesmu mes cola presencia de la vicepresidenta del gobiernu central: Dª Mª Teresa Fernández de la Vega