Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Un techu escontra la intolerancia

Votos

(Total de votos recibidos 62)

(Puntuación 2,87)

Xixón estrena en marzu'l Centru d'Atención pa Muyeres Maltrataes
El Centru d'Atención Integral pa Víctimes de la Violencia de Xéneru integraráse na rede de Cases d'Acoyimientu del Principáu d'Asturies y dará puxu a la innovación y ameyoramientu continuu del restu de les cases de la rede. La dimensión del proyeutu fae posible la formación d'equipos multidisciplinares y especializaos. El centru contará con dos programes: residencial y ambulatoriu. la intervención individual refuerciaráse cola atención de grupu. El Centru acompañará a les vícitmes de la violencia de xéneru nel procesu; dende l'atención d'emerxencia a la recuperación personal y la preparación pa la vida autónoma, curiando de mena especial los aspeutos que vienen darréu: * El desendolque d'habilidaes pal autocuriáu físicu y emocional. * El curiáu de la rellación maternu-infantil, considerando tanto la necesidá de los menores de tener un sofitu emocional, como la orientación a les más pa desendolcar les sos competencies educatives y de curiáu. * La integración na vida de la ciudá; l'usu de los servicios públicos y la participación social de les muyeres amás de l'accesu al emplegu y la vivienda. CARAUTERÍSTIQUES DEL PROYEUTU ARQUITEUTÓNICU: Parcela: 5.474 m2. cedida pol Ayuntamientu de Xixón Formáu por dos edificaciones: El Centru d'Atención Integral ye un edificiu de 3.846 m2 L'edificiu de viviendes tutelaes tien una superficie construida de 1.657 m2 Dambos edificios tan adautaos, col envís de facer posible l'accesu de persones con discapacidá (víctimes, menores, profesionales...). Tres de los apartamentos y un pisu tuteláu alcuéntrense amás adautaos dafecho. Nes zones comunes hai un sistema de vixilancia, per aciu d'un circuitu de cámares, controlaes pol personal de vixilancia.
Palabras clave 2010, Gijón, mujer