Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Un cómic educa a los escolinos pa ser respetuosos col mediuambiente

Votos

(Total de votos recibidos 377)

(Puntuación 3,00)

Un cómic educa a los escolinos pa ser respetuosos col mediuambiente
La iniciativa de l'Axencia Llocal de Promoción Económica y Emplegu (ALPEE) dará continuidá a la fecha l'añu pasáu al rodio de la prevención de riesgos llaborales.
Por segundu añu de siguío, l'ALPEE del Ayuntamientu xixonés, nel marcu del programa pal puxu de la cultura d'entamar nel Principáu dd'Asturies, ellabora materiales didáuticos que sirvan de sofitu a les sesiones formatives que se darán ente los nuesos escolinos xixoneses. Nesta vegada hai un nuevu cómic "Visita a Ecocity". D'esti mou si'l pasáu cursu escolar foron "Preventina y Barullín" los encargaos d'amosar a los escolinos de Primaria la prevención de riesgos llaborales, como parte perimportante de la empresa, anguaño "Preventina" y los sos collacios vanse d'escursión pa "Ecocity", cola mayestra "Eco". La mayestra sedrá una guía pa los guah.es y amosará-yos la ciudá ecolóxica. Les enerxíes y los combustibles renovables, el reciclaxe, la visita a delles empreses: oficines, comercios, constructores, hostelería. Ye l'itinerariu d'un viaxe, onde la mayestra "Eco" yos fae güeyar les dixebraes midíes adoutaes pa prevenir la contaminación, el cumplimientu de les normes y les obligaciones de les empreses col mediuambiente. Esti nuevu material tamién ufierta una esbilla de xeres: crucigrames, aldovinances, llámines con errores ecolóxicos que dexan a los neños amosar los conocimientos alquiríos. L'envís cimeru de les sesiones formatives al rodio del mediuambiente que l'Ayuntamnientu da-yos a los escolinos xixoneses ye sensibilizar a los mesmos na necesidá del curiáu del nuesu entornu y de la responsabilidá que - como posibles empresarios nun futuru- tendrán nesta estaya.