Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Esti payares, Xixón respira cine

Votos

(Total de votos recibidos 0)

(Puntuación 0)

FICX
Del 17 al 25 de payares, la ciudá pónse guapa p’acoyer la 55ª edición del Festival Internacional de Cine de Xixón. Ye una cita irrefugable pa los aficionaos al cine de calidá y una oportunidá de ver una montonera de películes de cine independiente, inédites n’España.
Sedrán dos selmanes nes que la ciudá respira cine y les sorpreses xurden en cada requexu. Aparte de la programación nes diferentres seiciones, organícense cursos al rodiu de temes venceyaos col sétimu arte, meses d’alderique, alcuentros colos direutores… Amás, tamién ye posible esfrutar de conciertos diarios y fiestes con música en direuto.
 
El Festival Internacional de Cine de Xixón (FICXixón) apurre varios premios en delles seiciones competitives del so programa cuntando con un Xuráu Internacional (formáu por ente 10 y 15 xóvenes de ente 17 y 25 años) y, dende 2005, un Xuráu FIPRESCI, qu’escueye'l premiu de la crítica.

teatro jovellanosNel apartáu de llargometraxes y nel de curtiumetraxes, los títulos incluyíos na competición del Festival Internacional de Cine de Xixón son, ensin dulda, una apueste segura pal espeutador con moliciones cinematográfiques que devasen lo convencional.

Nos últimos años el Festival consolidóse como gran cita del cine independiente y pasaron perhí dalgunos de los más prestixosos profesionales a nivel mundial. Abbas Kiarostami, Aki Kaurismäki, Emir Kusturica, Todd Haynes, Pedro Costa, Paul Schrader, Joao Cesar Monteiro, Seijun Suzuki, Jem Cohen, Kenneth Anger, Ulrich Seidl, Hal Hartley, Lukas Moodysson, Tsai Ming-liang, Claire Denis, Santiago Zannou, Mateo Garrone o Todd Solondz son dalgunos de los direutores homenaxaos.

Tamién afayáronse profesionales nacionales ya internacionales nel Xuráu Internacional o presentando películes en delles seiciones del programa: John Cale, Maria Schneider, Monte Hellman, Paprika Steen, Julio Medem, Fele Martínez, Elvira Mínguez, Nima Javidi, Judith Colell, Jorge Perugorría, María Esteve, Tristán Ulloa, Daniel Guzmán o Jan Cvitkovic.

En 2016, el premiu al meyor llargometrax recayó na cinta búlgara 'Glory', de Kristina Grozeva y Petar Valchanov; el premiu'l xuráu foi pa 'Manchester frente al mar', de Kenneth Lonergan; el meyor direutor foi'l filipín Brillante Mendoza, por 'Ma’Rosa'; y los gallardones a meyor interpretación foron pa Casey Affleck, por 'Manchester frente al mar', y Julia Vysotskaya, por 'Paradise'.

Tola información sobre la programación en www.gijonfilmfestival.com
Palabras clave Turismo, Festival de Cine, 2017