Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

45 sidreríes y 41 llagares na edición novena de Xixón de Sidra

Votos

(Total de votos recibidos 0)

(Puntuación 0)

Gijon de sidra 240
El certame sidreru, que xunce sidra de calidá y gastronomía, va celebrase del 5 al 15 d’ochobre
El ‘primer culín’, que s’escancia na sidrería La Fueya de Tomás, ganadora de la edición del 2016, abre la edición novena del festival gastronómicu Xixón de Sidra. Esti añu, el certame sidreru va celebrase del 5 al 15 d’ochobre y n’elli van participar 45 sidreríes de la ciudá y 41 palos de sidra, toos incluyíos na Denominación d’Orixe Protexida Sidra d’Asturies.

Cada establecimientu participante tien venceyáu un palu de sidra, que va ser el que sirvirá demientres estos diez díes. Cada botella tará acompangada d’una tapa gastronómica en cada sidrería. El preciu de la botella va ser 2,70 euros (3,70 euros una botella y una cazuelina y 4,70 euros una botella y una cazuelona).

Los díes 6, 7, 11, 13 y 14 d’ochobre, de 20.00 a 24.00 hores, va echar a andar el “Sidrobús”, que va realizar un percorríu con once paraes pa averar al públicu a toles sidreríes participantes.

Toes éstes apaecen nel Sidromapa, una guía qu’amuesa les rutes propuestes coles sidreríes participantes y el tipu de sidra de calidá qu’ufierten y el mapa de los llagares productores de les marques qu’acueye cada una (nome, llocalización, variedaes de sidra producíes) pa que seya didáutica y s’estreme dafechu lo que se preba.

Cada sidrería acueye namás la sidra d’un llagar en concreto. Poro ye d’aconseyar percorrer la ruta dafechu pa prebales toes. Arriendes d’ello, pa los campeones que completen la ruta y guarden los corchos, tenemos preparáu un Máster Sidra que s’entamará depués del certame.