Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

EL CICLU VOS PROLOGA’L 55FICX CON CINCO PELÍCULES

Votos

(Total de votos recibidos 5)

(Puntuación 3,00)

VOSOCT
La programación de Xixón Sur inclúi Júlia ist (Elena Martín), Cartas de la guerra (Ivo M. Ferreira), El jardín de Jeannette (Stéphane Brizé), Zoran, mi sobrino tonto (Matteo Oleotto) y La idea de un lago (Milagros Mumenthaler)
El Ciclu VOS, entamáu por DIVERTIA y el Festival Internacional de Cine de Xixón, rematará la so programación 2017 con dalgunos de los filmes más destacaos de la temporada, poniendo un procuru especial naquellos que tán más alloñaos del circuitu comercial, títulos del cine independiente y d’autor. El programa de seronda de VOS va desarrollase demientres los meses d’ochobre y payares, y ye’l prólogu perfectu pa la 55ª Edición del Festival Internacional de Cine de Xixón, que va desenvolvese del 17 al 25 de payares.

El ciclu va inaugurase’l 7 d’ochobre cola proyeición de El jardín de Jeannette, dirixida pol francés Stéphane Brizé, adaptación de la novela decimonónica Una vida, escrita por Guy de Maupassant, y qu’algamó’l premiu FIPRESCI del Festival de Venecia na so edición de 2016. Tamién na muestra veneciana, presentóse Zoran, mi sobrino tonto, qu’aportará a Xixón Sur el sábadu 14 d’ochobre. Nel certame italianu, esta película, que firma’l cineasta transalpinu Matteo Oleotto, algamó’l Premiu del Públicu gracies a la so prestosa mirada sobre los problemes de tolos díes nun pueblín del Friuli. Una selmana dempués, el 21 d’ochobre, los y les espectadores xixoneses van tener la ocasión de ver La idea de un lago, cinta dirixida pola arxentina Milagros Mumenthaler y que foi aclamada por crítica y públicu al so pasu pelos festivales de Locarno y San Sebastián.

La programación del mes d’ochobre va rematase con Cartas de la guerra, película portuguesa dirixida por Ivo M. Ferreira, enclavada nes guerres coloniales del país lusu n’Angola. Pa zarrar el ciclu, yá en payares, va proyectase la española Júlia ist, ópera prima de la realizadora moza Elena Martín, que foi la gran vencedora de la seición ZonaZine del Festival de Málaga al algamar una Biznaga de Plata a la meyor película y otra a la la meyor direición.

Toos estos trabayos van poder vese, como n’anteriores ediciones, nel CMI Xixón Sur al preciu únicu de 4€, pudiendo mercar los y les espectadores la so entrada al traviés de la web del Festival Internacional de Cine de Xixón, nes taquielles del Teatru Jovellanos, o nel propiu sitiu de proyeición nel mesmu día del eventu.