Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Nuevos proyeutos de les nuestres empreses residentes

Votos

(Total de votos recibidos 301)

(Puntuación 3,03)

MapainteractivoJovellanos
La collaboración de tres empreses allugaes en CRISTASA fai posible la creación d'un proyeutu interactivu cola figura de Xovellanos como protagonista.
Esti proyeutu, desendolcáu sol títulu de "Mapa Interactivu de los viaxes de Xovellanos per Asturies", ta financiáu pola empresa ALSA y realizóse pa la Universidá d'Uviéu, en resultes d'un conveniu robláu por dambes entidaes.

Encabezáu por Llume, Estudios y Proyectos Culturales, cuntó cola collaboración d'un equipu multidisciplinar, formáu por otres 2 empreses allugaes nes instalaciones xestionaes pol Centru Municipal d'Empreses: Locis Cartografía y Medioambiente y Begrafika, servicios de diseño y publicidad.

Esti Mapa Interactivu, recueye 11 rutes con 88 puntos d'interés rellacionaos colos llugares pelos que pasó Xovellanos y dexó descritos nos sos Diarios. Caún d'estos puntos d'interés ufierta información sobre'l patrimoniu cultural, paisaxes, costumes y otros aspeutos culturales y sociales de l'Asturies del sieglu XVIII, y adauta los trazaos históricos a les víes de comunicaciones d'anguaño, dexando siguir con facilidá cada percorríu.

Pa usalu val con asitiar el cursor enriba de caúna y escoyer la que te pete. L'itinerariu va apaecer trazáu nel mapa con tolos sos puntos d'interés (88, en total). Cada puntu con información añadida, va llevar al usuariu énte'l rellatu del viaxe de Xovellanos, ilustráu con semeyes de les arquitectures más emblemátiques de cada percorríu en concreto.

Anguaño ta disponible pal usu públicu na páxina web d'Educastur del Principáu, na del Institutu Feijoo d'Estudios del Sieglu XVIII de la Universidá d'Uviéu, na d'Alsa, y na de la empresa Llume.

Descúbrelo