Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Ramón Lluis Bande publica La vida pésima

Votos

(Total de votos recibidos 77)

(Puntuación 3,05)

Bande
L'autor xixonés concedió-y a Biblioasturias una entrevista con motivu de publicase'l so llibru sobre l'últimu guerrilleru asturianu, Manuel Alonso González.
Ramón Lluís Bande (Xixón, 1972) ye autor de varios llibros n'asturianu: Verdá o consecuencia, De la vida de les piedres, Habitaciones vacies, Un viaxe distintu o La muerte de los árboles, ente otros. A común col músicu Nacho Vegas grabó dos discos, Diariu y Diariu dos. Ente les sos películes destaquen los llargometraxes de non ficción El fulgor y El Paisano. Un retratu colectivu; los mediometraxes L'aire les castañes, Estratexa, De la Fuente o Divina lluz. Tamién dirixó películes musicales pa bandes y músicos como Manta Ray, Nacho Vegas, Mus, Viva Las Vegas, Aroah o Electra.

Los textos recoyíos en La vida pésima (con prólogu de Pablo Antón Marín Estrada y semeyes de Constantino Suárez) son el resultáu d'una obsesión del autor pola figura del guerrilleru Manuel Alonso González, Manolín el de Llorío. Aquel paisanín de falar posáu y mirada intensa yera l'últimu superviviente de la guerrilla antifranquista asturiana y ún de los tres o cuatro combatientes comunistes del monte que nun morrieran en manes del enemigu.Un cruce de llinguaxes –el cine-testimoniu («Estratexa»), la ficción cinematográfica («Sangre»), el teatru radiofónicu («La vida pésima») o el periodismu («Una vida marcada pola historia»)– pa intentar debuxar el retratu personal d'una vida exemplar.
La vida pesima
Na entrevista pa Bibliasturias.com respuende Ramón Lluis Bande a interesantes cuestiones sobre vida y lliteratura. Una d'elles:
- ¿Cuála foi la Biblioteca de la so vida?

- La del Atenéu de La Calzada.

[Los bibliotecarios de Xixón agradecémos-y el detalle].

Ramón Lluis Bande na Wikipedia