La Oficina Municipal de la Llingua ye un serviciu pa tolos ciudadanos y toles ciudadanes, creáu pa fomentar la normalización, l'usu y la presencia del asturianu en tolos ámbitos de la vida social y cultural del Conceyu de Xixón.

Organiza campañes empobinaes a dellos sectores de la población de Gijón/Xixón: pal comerciu, pa les escueles d'Educación Primaria ya Infantil, pa la hostelería, pa los alumnos y alumnes d'Enseñanza Secundaria...

Asesora, informa y ayuda a toles persones interesaes na Llingua Asturiana

¿Qué ye la Llingua Asturiana?

La Llingua Asturiana ye un importantísimu patrimoniu cultural coleutivu de tolos asturianos y asturianes que se vien construyendo dende hai sieglos poles distintes xeneraciones y que les venideres tienen de respetar y valorar, porque conocer la propia historia y cultura ayuda a entender y respetar les que son distintes y ayenes.

La Llingua Asturiana ye'l resultáu de la evolución del llatín na zona de la Península Ibérica onde vivieron los ástures na so dómina. Ye fía del llatín y hermana de les otres llingües romances. Como llingua tradicional d'Asturies, supón l'aportación de munches xeneraciones de falantes al mosaicu cultural y llingüísticu d'Europa.

Actividaes de la Oficina Municipal de la Llingua

Topónimos Gijón/Xixón

¿D'ónde yes?

De Gijón/Xixón

Memoria 2008

[706,31 Kb]La Oficina Municipal de la Llingua fai balance del añu 2008.

Consulta les actividaes, talleres, publicaciones y demás trabayos que se ficieron nel añu 2008.