Topónimos tradicionales

Por acuerdu ente l'Ayuntamientu de Gijón/Xixón y la Xunta Asesora de Toponimia del Principáu d'Asturies, el Gobiernu reformó oficialmente la toponimia del Conceyu (BOPA del 3 d'ochobre de 2006), reconociendo los nomes que la xente siempre dixo.

Dende equí pues descargar el folletu con tolos topónimos de Gijón/Xixón: [5,32 Mb]

¿Qué son los topónimos?

Son los nomes que la xente usa pa llamar a los conceyos, a les parroquies, pueblos y llugares. Los Conceyos y el Gobiernu del Principáu pónense al llabor de reconocer oficialmente los nomes tradicionales.

La Xunta Asesora de Toponimia d'Asturies ye l'organismu oficial capacitáu pa determinar los topónimos populares y tradicionales y el so funcionamientu ta reguláu por un Decretu del Gobiernu del añu 2002.

Agora son oficiales, Agora usalos ye normal

Estos nomes son agora oficiales a tolos efectos, d'usu obligáu per parte de les instituciones (Ayuntamientos, organismos del Principáu, etc.) en cualesquier comunicación fecha en castellanu o n'asturianu.

Delles veces un llugar tien dos nomes al mismu tiempu: como Gijón/Xixón y ye importante que les instituciones, les empreses, les asociaciones, entidaes y vecindá en xeneral tengan conocimientu de los nomes oficiales de los topónimos, pa que poquiñín a poco vayan usándose per escrito en lletreros, rótulos, vehículos, publicidá, cartelos, documentos, etc.

Afalamos a tolos vecinos y toles vecines de Gijón/Xixón a emplegar los nuestros nomes, los que la xente siempre dixo.